Langrennsforsking

Skiforsking er ein viktig del av forskingssenteret og Idrettshøgskulen. Her presenterer vi ein smakebit av testane og prosjekta som føregår i laboratoria våre og ute i friluft. Ein film viser prestasjonstesting og teknikkanalyse av skøyting på rulleski på tredemølle.

Marie M. Moltubakk | 17.02.2010

Forsking på ski og langrenn er et viktig fokus for Norges idrettshøgskole og Forskningssenter for trening og prestasjon.
 
Forskningssenter for trening og prestasjon skal mellom anna handtere konkrete spørsmål om planlegging og gjennomføring av aktivitet i toppidrett, barneidrett, ungdomsidrett og mosjonsidrett.
 
Forskingssenteret og Idrettshøgskulen har stort fokus på forsking på skiidrett. Totalt 25 langrennsløparar har i året som har gått delteke i ulike langrennsprosjekt i regi Forskningssenter for trening og prestasjon ved Norges idrettshøgskole.
 
Om lag 150 testar er gjennomført: På rulleski på den store tredemølla, ved lauping på tredemølle, testing på snø, og testing i det nye stakeergometeret.

Langrennsforskning from Norges idrettshøgskole on Vimeo.

Film om langrennsforsking ved Norges idrettshøgskole og Forskningssenter for trening og prestasjon.

 

Resultat fra forskinga

Nokre av prosjekta våre er allereie avslutta. For alle avslutta prosjekt kan du lese rapportar om kva vi fann ut, på våre nettsider:
 
Fleire andre prosjekt føregår i desse dagar.
 

Tradisjonelle og nye typar testarBruk av PET-scanning i langrenn er en banebrytende metode for å studere i hvor stor grad ulike muskler benyttes. For eksempel gjør vi nå forskning på staking.

Ved idrettshøgskulen har det tradisjonelt vorte testa laktatprofilar og maksimalt oksygenopptak ved løping og på ski. No har vi utvikla prestasjonstestar på stormølle (sjå video), og vi har utvikla testar for sprintlangrenn.
 
I tillegg til testing på rulleskimølle, har eit nytt, innovativt langrennsprosjekt vorte gjennomført i samarbeid med Turku PET Centre. Hensikta med prosjektet var å vurdere muskelbruk i langrenn ved lav- og høgintensitet. For å få gode mål på muskelbruk, nytta vi PET-scanning.
 
Vi har og utstyr som gjer opptak av skiløparen sin bevegelse, og som kan lage tredimensjonale strekfigurar av løparen, ski og stavar. Dette er nyttig for å visualisere og analysere teknikk.
 
I desse dagar testar vi og ut ein ny type utstyr, som kan plasserast direkte på skiløparen og samle opp data der som løparen oppheld seg. Dette håpar vi skal kunne gi oss rask og nøyaktig tilbakemelding om teknikk i og utanfor laboratoria.

Forsøkspersonar på høgt nivå

Løparane som har vore inne til testing kjem frå Team Manpower, Team United Bakeries, Team Norgeshus, Team Hadeland og Team Seaworks. Alle utøvarane på desse laga er på eit høgt nasjonalt nivå, og nokre av dei held internasjonalt langrennsnivå.
 
Utøvarane har vorte tilbode gratis testing 3-4 gonger i året, mot at vi får bruke resultata deira i forskinga vår.
 

Mange planar for 2010

Planlegging av testing og forsking for 2010 er godt i gang. Forskingssenteret kjem til å fortsetje med langrennsforsking innan muskelaktivering, sprintlangrenn og teknikkforståing.
 
Vi vil jobbe for at Forskningssenter for trening og prestasjon, saman med seksjonane, skal være blant dei ledande forskingsaktørane innan langrenn.
 
Vi kjem tilbake med rapportar frå dei ulike prosjekta her på nettsidene, etter kvart som vi har analysane klare.