Heilt sidan oppstarten i 1968 har NIH stått sentralt i utviklinga av kunnskap knytt til fysisk aktivitet, leik og idrett i skolen, arbeid og fritid. I dag vert høgskolen rekna som ein av Europas fremste forskingsinstitusjonar på området.

 

Det mest spennande med NIH er at naturvitarar, samfunnsvitarar, humanistar og praktkarar er  samla under same tak. Spennet i forsking og undervisning er stort og høgskolen har vitskapleg tilsette innan fagfelta; aktivitetslære, antropologi, biomekanikk, fysiologi, historie, medisin, pedagogikk, psykologi, sosiologi og treningslære.

Vi ynskjer å formidle resultat og dokumentere relevans og nytte av vårt forskings- og utviklingsarbeid. Samstundes må vi som andre i vår sektor konkurrere på kvalitet.

 

Idrettshøgskolen består av fem fagseksjonar som i tillegg til undervisning arbeider med mange spennande forskings- og utviklingsprosjekt. Vi har til eikvar tid omlag 50 doktorgradstudentar fordelte på dei fem fagseksjonane.

 

Den Forskingsadministrative eininga ved NIH står for forskingsadministrasjonen på tvers av dei faglege seksjonane, medrekna doktorgradsutdanning, eksternt finansiert FoU- verksemd samt dokumentasjon og formidling av FoU-produksjonen.

Eininga prøver å møte behov frå samfunns- og næringsliv samt eit ynskje om å dele kunnskapsutviklinga vår med omverda.