1855
Før 1855 vart lærarar i kroppsøving utdanna ved utanlandske institusjonar. I 1855 starta ein militær instruktørskule som frå 1859 fekk ei fastare form og namnet Instruksjonsskolen for gymnastikk og våpenbruk.

1870
Den 3. januar 1870 bestemde Stortinget at utdanninga av lærarar for skular, forsvar og idrett skulle finne stad på ein ny institusjon: Den Gymnastiske Centralskole for legemsøvelse og våpenbruk.

1915
Den 26. mai 1915 skifta skulen namn til Statens Gymnastikkskole.

1968
Norges idrettshøgskole starta aktiviteten sin 12. august 1968.

I 1973 vart det fyrste vitnemålet for fullført hovudfag delt ut. I 1990 vart den første dr. scient uteksaminert. I dag har høgskulen om lag 1500 studentar fordelt på bachelor, - master, - doktorgrad – og deltidsstudiar.